ბადრიჯნისა და სტაფილოს სალათი
მსუბუქი და ვიტამინებით მდიდარი ვეგეტარული კერძი – ბადრიჯნისა და სტაფილოს სალათი.
კერძი ადვილი მოსამზადებელია დამწყები დიასახლისებისათვისაც. ძალიან გემრიელია, გამოსადეგია ულაქტოზო და აგლუტენური დიეტებისას, ასევე დაბალნახშირწყლოვანი და ვეგანური კვებისათვის.
მასალა:
- 2 ხახვი
- 3 სტაფილო
- 6 ბადრიჯანი
- 300 გ ქამა სოკო
- მარილი, წიწაკის ფანტელი, ქარი (Curry)
- ზეთი
- ქინძი
მომზადება :
ბადრიჯნები გარეცხეთ, ყუნწები მოაჭერით და რამოდენიმე ადგილას დანით ჩაჩხვლიტეთ. დააწყვეთ თუნუქის ფურცელზე და შედგით 200 გრადუსზე გახურებულ ღუმელში დაახლოებით ერთი საათით.
კანი რომ შეიბრაწება და შიგთავსი ჩარბილდება, ბადრიჯანი მზადაა. გამოიღეთ ღუმლიდან და შეაგრილეთ. შემდეგ სადილის კოვზის საშუალებით გამოიღეთ თითოეული ბადრიჯნისაგან რბილობი და ცხრილზე დაწურეთ.
ხახვი და სტაფილო რგოლებად დაჭერით და ტაფაზე ზეთში მოშუშეთ დაჭრილ სოკოსთან ერთად დაბალ ცეცხლზე.
სტაფილო რომ დარბილდება, ბადრიჯნის შიგთავსიც ჩაამატეთ ტაფაში, შეკმაზეთ და კიდევ 5 წუთით დატოვეთ ცეცხლზე. კარგად მოურიეთ. ბოლოს დაჭრილი ქინძიც მოაფრქვიეთ და ცეცხლიდან გადმოდგით.
ბადრიჯნისა და სტაფილოს სალათი სუფრასთან ცხელი მიიტანეთ მოხარშულ ბრინჯთან, კარტოფილის კერძებთან, წიწიბურასთან ან ხორცეულთან ერთად.
მიირთვით გემრიელად! 
