ხორცი ბულგარული წიწაკით და სოკოთი
ხორცი ბულგარული წიწაკით და სოკოთი ჩემმა შვილმა გვანცამ მოამზადა. ძალიან გემრიელი, ვიტამინებით და ცილებით მდიდარი კერძია, ნაკლები ნახშირწყლებით, ულაქტოზო და აგლუტენური. კერძი ადვილი მოსამზადებელია და ჩქარა მზადდება.
მასალა:
- 1 კგ ინდაურის მკერდი ან ღორის რბილი ნაჭერი
- 2-3 ბულგარული წიწაკა
- 700 გ ქამა სოკო ან სოკოს კონსერვი
- 4 თავი ხახვი
- 2-3 ნივრის კბილი
- ქინძი, ქარი (Curry), წიწაკის ფანტელი
- 2 მუჭა ნიგოზი, მოხალული და დატეხილი
- ცოტაოდენი ზეთი
მომზადება:
ხორცი პატარა ნაჭრებად დაჭერით, ფართო ტაფაზე ზეთში მსუბუქად შეწვით, მარილით წიწაკით და ქარით შეკმაზეთ, გადმოდგით ცეცხლიდან და სახურავი დაახურეთ.
რგოლებად დაჭრილი ხახვი და წვრილად დაჭრილი ნიორი ზეთში მოშუშეთ, დაამატეთ დაჭრილი სოკო და ბულგარული წიწაკა.
როცა ბოსტნეული დარბილდება, შეკმაზეთ მარილით, ქარით და წიწაკით, შეურიეთ მომზადებული ხორცი და ნიგოზი. მოაფრქვიეთ დაჭრილი ქინძი და ცხელი მიიტანეთ სუფრასთან მოხარშულ ბრინჯთან, კარტოფილის კერძებთან ან წიწიბურასთან ერთად ან მიირთვით გარნირის გარეშე.
გემრიელად მიირთვით! 
