ბრიუსელის კომბოსტოს და სტაფილოს სალათი
ყველის გარეშე მომზადებული დასაშვებია ვეგანებისა და მარხულებისათვის.
მასალა:
- 0,5 კგ ბრიუსელის კომბოსტო,
- 0,5 კგ სტაფილო,
- 1 საშუალო ზომის ჭარხალი,
- 2 თავი ხახვი,
- 200 გ ყველი,
- ზეთი, მარილი, წითელი წიწაკა, გემოვნებით,
- პატარა კონა მწვანილი
მომზადება:
ბრიუსელის კომბოსტოს გადააჭერით უხეში ძირები, მოაცალეთ ზედმეტი ფოთლები, ძირი ჩაუჭერით და დახლოებით 6 წუთი ხარშეთ მარილიან წყალში. გადაწურეთ, ჩაყარეთ ყინულიან წყალში, რომ კომბოსტომ მწვანე ფერი შეინარჩუნოს და დაწურეთ საწურზე.
ალყა-ალყად დაჭრილი ხახვი ზეთში მსუბუქად მოხრაკეთ, დაამატეთ მსხვილ სახეხზე გახეხილი სტაფილო და ჭარხალი, 8-10 წუთი კიდევ ჩაშუშეთ, ხშირად ურიეთ. შეკმაზეთ მსხვილად დაფქული მწარე წიწაკით და მარილით. დაამატეთ მოხარშული ბრიუსელის კომბოსტო, კარგად აურიეთ, მოაყარეთ გახეხილი ყველი, დაახურეთ სახურავი და ნელ ცეცხლზე დატოვეთ ყველის დადნობამდე. მოაყარეთ დაჭრილი მწვანილი.
ბრიუსელის კომბოსტოს და სტაფილოს სალათი უხდება ხორცეულს, ბრინჯს, წიწიბურას, ასევე კარტოფილს.
მიირვით გემრიელად!
პ.ს. მარხულებმა მიირთვან ყველის გარეშე.
